नुवाकोटमा पिसिआर परिक्षण बन्द

नुवाकोट। त्रिशुली अस्पतालमा मङ्गलबारदेखि अर्को सूचना नभएसम्मको लागि नमुना स्वाब परीक्षण बन्द गरिएको छ।

सोमबार अस्पतालले विज्ञप्ति जारी गर्दै कोभिड-१९ पिसिआर परीक्षणको लागि प्रदेशस्तरीय कोभिड-१९ प्रोटोकल अनुसार नमुना स्वाब संकलन गर्न स्थानीय तहलाई अनुरोध गर्ने निर्णय भएअनुसार अस्पतालमा हुने स्वाब सङ्कलन कार्य मङ्सिर ९ गतेदेख अर्को सूचना नभएसम्मको लागि बन्द गरिएको अस्पतालका मेडिकल सुपरीन्टेन्डेन्ट (मेसु) डा. दिपेन्द्र पौडेलले जानकारी दिए ।

अस्पतालमा उपचारको लागि आकस्मिक अवस्थामा आएका, भर्ना भएका, अपरेसन गर्नुपर्ने तथा ओपिडी सेवामा आएका बिरामीको प्रोटोकल अनुसार चिकित्सकको सिफारिसको आधारमा स्वाब संकलन हुने विज्ञप्तिमा भनिएको छ

यसअघि अस्पतालले  हरेक सोमबार र बिहिबार स्वाब परीक्षण गर्दे आएको थियो ।