अहिले विद्युत प्राधिकरणले आवश्यकता अनुसार अधिक विद्युत उर्जा खरिद गर्ने र गत वर्षको तुलनामा अधिक विद्युत खरिद भएकोले विद्युत बिक्रीबाट हुने आम्दानी बढेको कम्पनीले जनाएको छ।

Advertisement

त्यस्तै, कम्पनीको ब्याज आम्दानी ७१.८५ प्रतिशतले बढेको छ। कम्पनीले प्रतिबद्धता जनाए अनुसार सहायक कम्पनीमा लगानी गरिसकेकोले बैंक मौज्दात बढ्न जाँदा ब्याज आम्दानी बढेको हो। चुक्ता पूँजी ५ अर्ब ७० करोड रुपैयाँ रहेको कम्पनीको प्रतिशेयर आम्दानी १५ रुपैयाँ ४९ पैसा छ। गत आर्थिक वर्षको तुलनामा पूँजी बढेकोले कम्पनीको प्रतिशेयर आम्दानीमा गिरावट देखिएको छ। गत आर्थिक वर्षको यसै अवधि सम्म्मा कम्पनीको प्रतिशेयर आम्दानी १८ रुपैयाँ २४ पैसा थियो।

कम्पनीको प्रतिशेयर नेटवर्थ १७९ रुपैयाँ २५ पैसा र मूल्य आम्दानी अनुपात ३२.३५ गुणा छ।