नुवाकोटको शिवपुरीकी ६१ वर्षिय महिलाको कोरोनाको कारण मृत्यु

नुवाकोट । नुवाकोटको शिवपुरी गाउँपालिकाकी एक महिलाको कोरोना भाइसरको कारण मृत्यु भएको छ ।

मृत्यु हुनेमा शिवपुरी गाउँपालिका वडा नम्बर ४ सिक्रेकी ६१ वर्षिय दिलकुमारी गुरुङ रहेको स्वास्थ्य कार्यालय नुवाकोटले जनाएको छ । उनको सिक्रेमै मृत्यु भएको गाउँपालिकाकी उपाध्यक्ष मञ्जु केशीले जानकारी दिइन् ।

यससँगै नुवाकोटमा पहिलो पटक कोरोना संक्रमणको कारण एक व्यक्तिको ज्यान गएको छ । यसअघि नुवाकोट जिल्ला स्थाई घर भई राजधानी काठमाण्डौ वसोवास गर्दै आएका अन्य दुई जनाको कोरोना संक्रमणको कारण मुृत्यु भएको थियो

कोरोना संक्रमकणबाट मृत्यु भएकी उनको शव व्यवस्थापनको लागि सेनाको टोली विदुरबाट सिक्रे प्रस्थान गरेको छ ।