चोरी गरेको आरोपमा बट्टारबाट चारजना भारतिय पक्राउ

नुवाकोट । नुवाकोटको विदुर नगरपालिका वडा नम्बर ४ बट्टारमा चोरी गरेको आरोपमा ४ जना भारतिय नागरिक पक्राउ परेका छन् ।

नुवाकोट आर्दश बहुमुखस् क्याम्पसको पछाडि रहेको बरफ कारखानामा आइस बनाउने मेसिनको जाली चोरेको आरोपमा उनीहरु पक्राउ परेका हुन् । उनीहरुलाई आईस बनाउने मेसिनको जालीसहित बट्टार घंटाघरबाट पक्राउ गरिएको प्रहरीले जनाएको छ ।

प्रहरीका अनुसार चोरी गर्ने अन्य दुई जना भने फरार रहेका छन् । उनीहरुलाई वसपार्क चौकी लगेर अनुसन्धान शुरु गरिएको छ ।