नेकपा नुवाकोटका जिल्ला सदस्य गुन्डागर्दी गरेको आरोपमा पक्राउ

नुवाकोट । नुवाकोट काठमाडौं टोखा, सामाखुसीलाई आधार बनाई गुन्डागर्दी गर्ने  गुन्डा नाइके मिलन लामालाई प्रहरीले पक्राउ गरेको छ ।

महानगरीय प्रहरी वृत महाराजगन्जको प्रहरी टोलीले बुधबार काठमाडौंको चक्रपथबाट लामालाई पक्राउ गरेको हो । काठमाडौं टोखा, सामाखुसी र नुवाकोट जिल्लालाई आधार बनाई गुन्डागर्दी गर्ने लामा नुवाकोट शिबपुरि गाउँपालिका ३ का स्थायी बासिन्दा हुन् ।

काठमाडौंको टोखा–चन्डेश्वरी बस्ने ३७ वर्षीय लामामाथि थप अनुसन्धान भैरहेको महानगरीय प्रहरी वृत महाराजगन्जका डिएसपी उमेश लम्सालले जानकारी दिए । लामा पहिलेनै हातहतियार  खरखजाना मुद्दामा २०६७ सालमा प्रहरी बृत बालाजु र २०७० सालमा ज्यान मार्ने उद्योग अन्तरगत प्रहरी बृत महाराजगन्जले मुद्दा चलाई सजाय पाइससकेका अभियुक्त हुन् ।

पक्राउ परेका तामाङ नेकपा नुवाकोटका जिल्ला सदस्य तथा शिवपुरी ५ महाकालीका स्थानिय हुन ।