मोटरसाइकल चोरीको आरोपमा ककनीका दुईजना पक्राउ

नुवाकोट ।  मोटरसाइकल चोरी गरेको अभियोगमा काठमाडौं प्रहरीले नुवाकोटका दुई युवालाई पक्राउ गरेको छ ।

नुवाकोट ककनी गाउँपालिका वडा नं. ४ ककनीका ३१ वर्षीय रञ्जित तामाङ र २३ वर्षीय सागर तामाङलाई काठमाडौको डल्लुबाट पक्राउ गरेको प्रहरीले जनाएको छ ।

उनीहरुले बा.७४प ७०८८ नं. पल्सर मोटरसाइकल चोरी गरेर लैजाँदै गरेको समयमा महानगरीय प्रहरी वृत्त स्वयम्भूबाट खटिएको प्रहरीले पक्राउ गरेको हो । पक्राउ परेका दुबैजनालाई चोरीको अभियोगमा मंगलबार नै जिल्ला अदालत काठमाडौबाट म्याद लिएर मुद्धा चलाउनको लागी अनुसन्धान अघि बढाएको जनाएको छ ।