शिवपुरीमा टिफर जलाएका विप्लवका कार्यकर्ता काठमाण्डौबाट पक्राउ

पक्राउ पर्नेमा काठमाण्डौ तारकेश्वर नगरपालिका वडा नम्बर ६ का ४२ वर्र्षिय सागर तिमल्सिना रहेको जिल्ला प्रहरी कार्यालय नुवाकोटले जानकारी दिएको छ । उनलाई आईतबार काठमाण्डौको बालाजुस्थित अष्टनारायण हल नजिक महानगरिय प्रहरि बृत बालाजुले पक्राऊ गरेको हो । उनलाई अनुसन्धानको लागि नुवाकोट ल्याइएको छ । जिल्ला अदालत नुवाकोटले गत भदौ १५ गते घटनामा संलग्नहरुलाई खोज्न आदेश दिएको थियो ।

पक्राउ परेका तिमल्सिनालाई जिल्ला अदालत नुवाकोटले ३ दिन हिरासतमा राखेर अनुसन्धान गर्न अनुमति दिएको छ । उनीमाथि अनुसन्धान शुरु भएको जिल्ला प्रहरी कार्यालय नुवाकोटले जानकारी दिएको छ ।