नुवाकोटको सिडियो र सहायक सिडियो फेरिए

नुवाकोट जेठ २१, नुवाकोटका प्रमुख जिल्ला अधिकारी र सहायक प्रमुख जिल्ला अधिकारीको सरुवा भएको छ ।

सरुवा भएका सिडियो उद्धवबहादुर थापालाई गृह मन्त्रालयमा सहसचिवको रुपमा काज सरुवा गरिएको छ भने सहायक सिडियो गोपाल अधिकारीलाई जिल्ला प्रसाशन कार्यालय सिराहामा निमित्त प्रमुख जिल्ला अधिकारीको जिम्मा दिइएको छ ।

नुवाकोटमा अब नयाँ प्रमुख जिल्ला अधिकारीको रुपमा सर्लाहीका प्रमुख जिल्ला अधिकारी द्रोण पोखरेल आउने भएका छन । गृह मन्त्रालयले मंगलबार २६ जना सहसचिव र उपसचिवको सरुवा गरेको छ । मंगलबार भएको सरुवा र पदस्थापनबाट विभिन्न जिल्लाका २१ जना प्रमुख र सहायक प्रमुख जिल्ला अधिकारी पनि फेरिएका छन् । मन्त्रालयले रुपन्देही, कपिलवस्तु, गोरखा, सर्लाही, काभ्रेपलाञ्चोक, नुवाकोट, सिरहा, डोटी, उदयपुर, सुनसरी लगायतको जिल्लाका सीडीओ र सहायक सीडीओ फेरेको छ ।