चुनावको कारण नुवाकोट गोल्डकप दुई दिन पछाडि स¥यो

नुवाकोट जेठ १८, नुवाकोटमा हुने सर्वाधिक पुरस्कार राशी भएको नुवाकोट गोल्डकपको दोस्रो संस्करण दुईदिनपछि धकेलिएको छ ।

प्राविधिक समस्याले प्रतियोगिता २ दिन पछाडि सारिएको नुवाकोट फुटवल संघले जनाएको छ । प्रतियोगिता जेष्ठ २२ देखि ३१ गते सम्म सन्चालन हुने बताइएको छ ।

यसअघि प्रतियोगिता जेठ २० गतेबाट २९ गतेसम्म संचालन हुने भनिएको थियो । प्राविधिक कारण भनिएपनि विदुर खानेपानी उपभोत्ता समितिको निर्वाचन र मतगणनाले प्रतियोगिता दुई दिन ढिलो गरि शुरु हुने स्रोतले बताएको छ ।

प्रतियोगितामा ए डिभिजनको मनाङसहित विभिन्न १० टिमले सहभागिता जनाउने भएका छन ।