कोल्पु खोलामा मोटरसाईकल दुर्घटना एकको मृत्यु, एक गम्भीर घाईते

नुवाकोट जेठ १७,बिहिबार राती नौ बजे बेलकोटगढी नगरपालिका वडा नम्बर ५ केउरेनीमा गल्छीबाट त्रिशुलीतर्फ आउदै गरेको बा ६४ प ३०९९ नम्बरको मोटरसाईकल अनियन्त्रित दुर्घटना भएको छ ।

दुर्घटनामा परि तादी गाउँपालिका वडा नम्बर ५ का रामचन्द्र रिजालको उपचारको क्रममा काठमाण्डौको ट्रमा सेन्टरमा मृत्यु भएको जिल्ला प्रहरी कार्यालय नुवाकोटका प्रहरी नायव उपरिक्षक भिमलाल भट्टराईले जानकारी दिए । मोटरसाईकल सडकबाट करिव एकसय ५० मिटर तल खसेको बताइएको छ । त्यस्तै मोटरसाईकलको पछाडि बसेका तादी गाउँपालिका वडा नम्बर ५ का जनक रिजालको उपचार भईरहेको जिल्ला प्रहरी कार्यालय नुवाकोटले जानकारी दिएको छ ।