पहिलोपटक रसुवाकाे पैरेवेशीदेखि नुवाकाेटकाे भैसैसम्म जलयात्रा सम्पन्न

नुवाकोट जेठ ८, जलयात्रामा नयाँ गन्तव्य भन्ने नाराका साथ मंगलबार रसुवाको उत्तरगया गाउँपालिकादेखि नुवाकोटको विदुर नगरपालिकाको भैसैसम्म डुङ्गा यात्रा गरिएको छ ।

रसुवा–नुवाकोट पर्यटन समाजको आयोजना तथा उत्तरगया गाउँपालिकाको आर्थिक सहयोग र नेपाल एसोसियसन अफ र्याफटिङ एजेन्सीजको प्राविधिक सहयोगमा रसुवा र नुवाकोटमा आन्तरिक प्रर्वद्धन तथा जलस्थल सुरक्षित रहेको जानकारी दिन कार्यक्रम आयोजना गरिएको हो । कार्यक्रममा प्रतिनिधिसभाका सदस्य बहादुरसिंह लामाले नुवाकोट रसुवाको पर्यटन क्षेत्रको विकासमा यस्ता कार्यक्रमले महत्वपुर्ण भुमिका खेल्ने बताए । उनले नुवाकोट र रसुवामा धेरै संभावना भएपनि प्राविधिक रुपले केही पछाडी परेको भन्दै यस्ता गतिविधिले दुबै जिल्लाको आर्थिक विकासमा टेवा दिने बताए । कार्यक्रममा प्रतिनिधिसभाका अर्का सदस्य मोहन आचार्यले उत्तरगया धामको धेरै ठुलो महत्व रहेको भन्दै यस क्षेत्रलाई सबैले जोगाउन एकजुट भएर लाग्नुपर्ने बताए । उनले रसुवा र नुवाकोटमा निकै प्रगाढ सम्बन्ध रहेको भन्दै दुबै जिल्लाको मुहार पर्यटन क्षेत्रबाट मात्र फेर्न सकिने बताए ।

कार्यक्रममा प्रदेश नम्बर ३ का प्रदेशसभा सदस्य प्रेम तामाङले ¥याफटिङ व्यवसाय संचालन भएमा दुबै जिल्लामा कोसेढुङ्गा सावित हुने बताए । उनले शुरुवात मात्र हुनु राम्रो नरहेको भन्दै निरन्तर संचालन गर्नुपर्ने बताए । त्यस्तै पर्यटन बोर्डका सदस्य दिपक महतले नुवाकोट र रसुवामा ¥याफटिङ व्यवसायको प्रचुर संभावना रहेको भन्दै पानीको वहाव बढेमा देविघाटसम्म संचालन गर्न ुसकने बताए । उनले नदिलाई स्वतन्त्र बग्न दिनुपर्ने भन्दै सधै जलविद्युत मात्र भनेर वस्न नहुने धारणा व्यक्त गरे । यस्तै उत्तरगया गाउँपालिकाका अध्यक्ष उपेन्द्र लम्सालले उत्तरगया धाम क्षेत्रमा जनताले जलविद्युत आयोजना नचाहेको भन्दै ¥याफटिङ व्यवसाय संचालन गरेमा फाइदा हुने बताए ।

त्यस्तै सो कार्यक्रममा रसुवा–नुवाकोट पर्यटन समाजका वरिष्ट उपाध्यक्ष शिव लामिछानेले जलयात्रा संकटमा परेको र त्यसको संभावना नुवाकोट,रसुवामा भएकोले त्यसको प्रर्वद्धनको लागि कार्यक्रम आयोजना गरिएको जानकारी दिए । उनले जिल्लामा ¥याफटिङ व्यवसाय संचालन भएमा व्यवसायी र स्थानियबासीले यसबाट आर्थिक लाभ पाउन सक्ने बताए । उनले प्रकृतिले दिएको नदिको भरपुर प्रयोग गरेमा सबैको आर्थिक अवस्था परिवर्तन हुने बताए ।४ ओटा डुङ्गामा करिव ३५ जनाले पैरेवेशीदेखि भैसैसम्म यात्रा गरेका थिए । यात्रामा प्रतिनिधिसभाका सदस्य बहादुरसिंह लामा, नेपाल पर्यटन बोर्डका सदस्य दिपक महतलगायतले यात्रा गरेका थिए ।