कालिका माविमा राजनिती, विद्यालयको वार्षिक उत्सव नेकपाद्धारा बहिस्कार

नुवाकोट वैशाख ३१,नुवाकोटको विदुर नगरपालिका वडा नम्बर ११ मा रहेको कालिका माध्यामिक विद्यालयको ६६ औ वार्षिक उत्सव कार्यक्रममा राजनितिक रंग देखिएको छ ।

आफु निकटको प्रमुख अतिथि नल्याएको भन्दै नेकपा निकटका जनप्रतिनिधिले विद्यालयको वार्षिक उत्सव तथा अभिभावक भेला वहिस्कार गरेको विद्यालयका एक शिक्षकले बताए । तर आफुहरुलाई विद्यालयका प्रध्यानाअध्यापक पुरुषोतम प्याकुरेलले निमन्त्रणा दिँदा राम्रोसँग सम्बोधन नगरेकोले कार्यक्रममा नगएको विदुर नगरपालिकाका मेयर सञ्जु पण्डितले बताए । मेयर पण्डितले विद्यालय स्थानीय तहको मातहतमा आएपनि विद्यालयका प्रह प्याकुरेलको काम गर्ने शैलि नभएको भन्दै असन्तुष्टी व्यत्त गरे । तर निमन्त्रणा गर्दा उचित तरिकारले सत्कार नगरेको भनिएपनि प्रमुख अतिथि आफ्नो पार्टी निकटका सांसदहरुलाई नबनाएको भन्दै विदुर नगरपालिका र वडाका प्रतिनिधिहरुले कार्यक्रम वहिस्कार गरेको विद्यालय स्रोतको भनाई रहेको छ ।

त्यस्तै विद्यालयको वार्षिकउत्सव कार्यक्रममा विदुर नगरपालिकाका वडा नम्बर ११ की दलित महिला सदस्य कान्छी मीजारवाहेक अन्य आएका थिएनन । वडाअध्यक्ष तोयानाथ तिमिल्सेना बुवाको उपचारको लागि काठमाण्डौमा रहेका छन । त्यस्तै वडा सदस्य ईश्वरी चालिसे कार्यव्यवस्ताले विद्यालयको वार्षिक उत्सव कार्यक्रममा आउन नसकेको प्रतिक्रिया दिए । उनले महिला सदस्य रेखा लामा औसीमा माइत गएको र अझै नफर्केको बताए भने अर्का वडा सदस्य कृष्ण प्रसाद न्यौपानेले वडामा काम गर्नुपर्ने भएकोले आउन नसकेको चालिसेले बताए । तर गाउँको शैक्षिक विकासमा महत्वपुर्ण भुमिका खेलेको विद्यालयको वार्षिक उत्सवमा राजनिति रंग देखाउन नहुने. अभिभावकहरुले बताएका छन । पछिल्लो समय विदुर नगरपालिका,वडा कार्यालय , विद्यालय व्यवस्थापन समिति र प्रध्यानाअध्यापकको कारण विद्यालयको शैक्षिक वातावरणमा समेत असर पर्दै गएको छ ।