किड्नी फेल भएकी वेनिशालाई विद्यालयको आर्थिक सहयोग

नुवाकोट वैशाख १०, किड्नी फेल भएकी विदुर नगरपालिका वडा नम्बर ४ सिमचौरकी १२ वर्षिय वेनिशा रिजालललाई उनी अध्ययनरत महेन्द्र माध्यामिक विद्यालयका शिक्षक र सहपाठीहरुले आर्थिक सहयोग गरेका छन ।

विदुर नगरपालिका वडा नम्बर १२ स्थित महेन्द्र माध्यामिक विद्यालयको कक्षा ५ अध्ययनरत वेनिशालाई विद्यालयकै शिक्षक र सहपाठीहरुले १६ हजार रुपैयाँ संकलन गरेर आर्थिक सहयोग गरेको विद्यालयका एक शिक्षकले बताए । विगत नौ महिनादेखि एउटा किड्नी फेल भएकी रिजालले आर्थिक अभावको कारण उपचारको लागि सहयोग मागिरहेकी छिन ।