नुवाकोटमा हुने प्रदेश नं ३फुटवलको तयारी तिव्र(फोटो फिचर)

नुवाकोट,नुवाकोटमा फागुुन २४ गते शुक्रबारदेखि हुन लागेको प्रदेश नं ३ स्तरीय पुरुष फुटवल प्रतियोगिताको तयारी तिव्र पारिएको छ ।

प्रदेश नं ३ को १३ जिल्लामध्ये प्रतियोगितामा रसुवा जिल्ला भने सहभागि नहुने नुवाकोट फुटवल संघका उपाध्यक्ष उद्धव पनेरुले बताउनुभयो । । नुवाकोट आर्दश बहुमुखी क्याम्पसको खेल मैदान बट्टारमा हुने प्रतियोगिताको तयारी तिव्र पारिएको उपाध्यक्ष पनेरुले विदुरखबरलाई बताउनुभयो । प्रतियोगिताको लागि नुवाकोटका खेलाडीहरु दैनिक प्रशिक्षणमा व्यस्त भएका छन ।

प्रदेश नं ३ का सबै खेलाडी नुवाकोट आउने भएपछि जिल्लामा फुटवलको थप विकासमा टेवा पुग्ने एन्फा नुवाकोटले जनाएको छ । नुवाकोटमा यसअघि पनि वहुप्रतिष्ठित नुवाकोट गोल्डकप सफल रुपमा सम्पन्न भइसकेकोले जिल्लामा फुटवल खेलले थप गति लिनेमा खेलाडीहरुले विश्वास व्यक्त गरेका छन ।

यसैबिच जिल्लामा नै प्रदेश छनोटको खेल खेल्न पाउने भएपछि नुवाकोटको खेलाडीले खुशी व्यक्त गरेका छन । नुवाकोट गोल्डकपमा उत्कष्ट खेल पस्किएर घरेलु दर्शकको मन जितेका खेलाडीले प्रतियोगिामा उत्कृष्ट प्रर्दशन गर्ने विदुरखबरलाई बताए । प्रदेश नं ३ स्तरीय खेलकुद प्रतियोगिता अन्र्तगत महिला फुटवल भने सिन्धुपाल्चोकमा आगामी फागुन १८ गतेदेखि शुरु हुनेछ ।

फागुन ६ गतेबाट शुरु भएको प्रदेश नं ३ स्तरीय प्रतियोगिता फागुन २८ गते पुरुष फुटवलको फाइनलका दिन नुवाकोटमा सम्पन्न हुने राष्ट्रिय खेलकुद परिषदले जनाएको छ । प्रतियोगितामा उत्कृष्ठ हुने खेलाडीले आठौ रााष्ट्रय खेलकुद प्रतियोगितामा सहभागिता जनाउनेछन ।