जनताको जलविद्युत् आयोजनाको पहिलो शेयर माथिल्लो त्रिशुली थ्री बी को

सरकारले बिहीबार घोषणा गरेको जनताको जलविद्युत् आयोजनाको पहिलो शेयर माथिल्लो त्रिशुली थ्री बी आयोजनाको आउने भएको छ ।

नुवाकोटमा हालै मात्र शिलान्याश गरिएको सो आयोजनाको शेयर बिक्री गर्ने तयारी गरिएको छ । सो आयोजनाको क्षमता ३७ मेगावाट रहेको छ ।सरकारले नियमावली परिवर्तन गरेपनि नियामकीय प्रकृया पूरा गर्न एक महिना भन्दा बढी लाग्ने देखिएको छ ।

सरकारले आगामी चैत ७ गतेदेखि शेयर निष्काशन गर्ने घोषणा गरेको छ ।चैतभित्रै त्रिशुली थ्रि बीको शेयर आउने र अरु आयोजनाको शेयर एक वर्षभित्र आउने छ ।उनले सर्वसाधरणलाई छुट्याइएको १० प्रतिशतले हुन आउने रु १० अर्ब ६४ करोड को अग्रिम शेयर निष्काशन गर्ने बताउँदै ९० प्रतिशत हकप्रद शेयर जारी गर्ने जानकारी दिए । एचआइडिसिएलका अनुसार सबै आयोजना निर्माणका लागि रु ६ खर्ब ९५ अर्ब लाग्ने प्रारम्भिक अनुमान छ ।