आइतबार नुवाकोट बन्द,यस्तो हुँदैछ तयारी

नुवाकोट÷ राष्ट्रिय गौरवको आयोजनाको रूपमा रहेको गल्छी–त्रिशूली–मैलुङ–स्याफ्रु–रसुवागढी सडक आयोजना अन्तर्गत नुवाकोटको पिपलटारदेखि ढुङ्गेसम्मका प्रभावितहरुको समुह सडक प्रभावित सरोकार समितिले आफुहरुलाई आयोजनाले मुअब्जा नदिएको भन्दै आइतबार नुवाकोट बन्दको आह्वान गरेका छन ।

समितिले आइतबार हुने नुवाकोट बन्दलाई सफल बनाउन सबैलाई आह्वान समेत गरेको छ । समितिका संयोजक लिलानाथ न्यौपानेले शनिबार सामाजिक संजाल फेसबुकमार्फत बन्दको समयमा सबै सरकारी, निजी तथा विद्यालय , यातायात, सरकारी कार्यलय, र सबै कार्यलय र पसल बन्द गरेर सहयोग गर्न सबैलाई आह्वान गरेका हुन । संघर्ष समितिकी उपसंयोजक गिता अमात्यले आइतबार विहान ६ बजेदेखि साँझ ४ बजेसम्म नुवाकोट बन्द गर्न लागेको बताइन । उनले जनताहरु सुकुमबासी बन्न लागेकोले सरकार र सडक आयोजनालाई घचघचाउन जिल्ला बन्द गर्न लागको बताइन । उनले बन्दको समयमा विरामी, प्रेस र अत्याआवश्यक सवारीसाधन भने चल्न दिने बताइन ।

समितिको बन्दलाई यसअघि एकेवद्धता जनाउँदै एकिकृत रााष्ट्रिय प्रजातन्त्र पार्टी (राष्ट्रबादीका) केन्द्रिय अध्यक्ष डा.प्रकाशचन्द्र लोहनीले आफ्नो व्यक्तिगत सम्पति सरकारले कुनैपनि हालतमा लिन नसक्ने भन्दै जसरी पनि पिडितहरुले मुअब्जा पाउनुपर्ने बताइसकेका छन । त्यस्तै संघर्ष समितिको मागप्रति नेकपा नुवाकोट र नेपाली कांग्रेसका जिल्ला नेतृत्वले यसअघिनै सहमति जनाइसकेका छन ।

सडक आयोजनले भने विसं २०३४ को राजपत्रमा पासाङल्हामु मार्गको बालाजु–ककनी–त्रिशूली खण्डको सडक सीमा सडकको केन्द्रबाट दायाँबायाँ १५÷१५ मिटर तोकिएका कारण मुआब्जा दिन नमिल्ने बताएको छ ।