घाँस काट्न गएकी ८ वर्षिय बालिकाको ढुङ्गाले थिच्दा मृत्यु

विदुर÷ शिवपुरी गाउँपालिका वडा नं ४ बान्सिडाडामा घाँस काट्न गएकी ८ वर्षिय एन्जल गुरुङको माथिबाट आएको ढुङ्गाले थिच्दा गत बिहिबार मृत्यु भएको छ ।

गाउँपालिकाको वासिन्डांडा सामुदायिक वन क्षेत्रको जंगलमा २ व्यक्तिले भुई तरुल खोज्नको लागि खाल्डो खनि छाडेकोमा १७ वर्षिय बालक आई पुन खाल्डो खन्दा जमिनमा रहेको ढुङ्गा गुल्टिएको थियो । गुल्टिएको सो ढुङ्गाले बालिकालाई लागेको र उनको घटनास्थलमा नै मृत्यु भएको जिल्ला प्रहरी कार्यलय नुवाकोटका डिएसपी भिललाल भट्टराईले बताए । घटनाको थप अनुसन्धान भइरहेको जिल्ला प्रहरी कार्यलय नुवाकोटले जनाएको छ ।