कांग्रेस महासमिति बैठकः विधान विवादले बैठक अनिश्चित, पौडेलले अघि सारे यस्तो प्रस्ताव

काठमाडौं,संघीय संरचना अनुसारको विधान कार्यान्वयनमा ल्याउन काँग्रेसलाई सकस परेको छ । पार्टीको विधान मस्यौदा समितिले तयार पारेको विधान मस्यौदामा सहमति जुट्न नसकेपछि विधानबारे छलफल गर्न बोलाइएको महासमिति बैठक अनिश्चित बनेको छ ।

विधान अनुमोदनका लागि काँग्रेसले मंसिर २९ गतेदेखि पुस ३ गतेसम्मका लागि काठमाडौंमा महासमिति बैठक बोलाएको थियो । तर, महासमिति सुरु भएको ६ दिन बित्न लाग्दा पनि अझै सहमति जुट्न सकेको छैन । विधानमा केन्द्रीय समितिमै सहमति नजुट्दा महासमिति सदस्यहरुले छलफल समेत गर्न पाएका छैनन् ।

काठमाडौंको रामशाहपथस्थित यगम्बर पार्टी प्यालेसमा सुरु भएको महासमिति बैठक निर्धारित समयमा नसकिएपछि आजदेखि (पुस ५ गते) स्थान परिवर्तन गर्दै यलम्बर पार्टी प्यालेसमा बसिरहेको महासमिति बैठक पार्टी कार्यालय सानेपामा सारिएको छ ।

काँग्रेसका शीर्ष नेताबीच मंगलबार राति सभापति १, उपसभापति, महामन्त्री र सहमहामन्त्री २–२ जना तथा कोषाध्यक्ष १ जना गरी ८ जना केन्द्रीय पदाधिकारी राख्ने सहमति भएको थियो । कोषाध्यक्ष बाहेक अरु सबै निर्वाचित हुनेगरी शीर्ष नेताहरुबीच भएको सहमति बुधबार बसेको केन्द्रीय समिति बैठकमा केन्द्रीय सदस्यहरुले अस्वीकार गरेका थिए ।

रामचन्द्रको प्रस्तावः आगामी वर्षको फागुन ७ गते महाधिवेशन

नेपाली कांग्रेसका वरिष्ठ नेता रामचन्द्र पौडेलले तोकिएको समयमै महाधिवेशन सम्पन्न गर्नेगरी कार्यतालिका प्रस्ताव गरेका छन् ।

केन्द्रीय समितिको बुधवार बसेको बैठकमा पौडेलले जनजागरणका कार्यक्रमसाथै महाधिवेशनको मिति तोकेर अगाडि बढ्न प्रस्ताव गरेका हुन् ।
पौडेलले २०७५ पुष १६ देखि २०७६ आषाढ मसान्तसम्म राष्ट्रव्यापी जागरण अभियान, पदयात्रा, गाउँगाउँ र टोलटोलमा वैचारिक र सांगठनिक प्रशिक्षण सहित “सदस्यता वितरण अभियान” चलाउन प्रस्ताव गरेका छन् ।

२०७६ आश्विन मसान्तसम्म “क्रियाशील सदस्यता वितरण र नविकरण” सँगसँगै प्रशिक्षण कार्यक्रम गर्ने पौडेलको प्रस्तावमा उल्लेख छ । २०७६ मंसिर मसान्तसम्म टोल, मतदान केन्द्र, वडारगाउँपालिका, नगर र उपमहानगररमहानगरपालिका अधिवेशन सम्पन्न गर्न पौडेलले प्रताव गरेका छन् ।

नेता पौडेलले केन्द्रीय समितिमा राखेको प्रस्तावमा २०७६ पौष मसान्तसम्मप्रदेश निर्वाचन क्षेत्र÷प्रतिनिधि सभा निर्वाचन क्षेत्ररजिल्ला अधिवेशन सम्पन्न गर्ने उल्लेख छ ।

२०७६ माघ १६ प्रदेश अधिवेशन सम्पन्न गर्ने र २०७६ फागुन ७ केन्द्रीय महाधिवेशन उद्घाटन गर्ने वरिष्ठ नेता पौडेलको प्रस्तावमा उल्लेख छ ।

महाधिवेशन सम्पन्न गरेलगत्तै २०७६ चैत्र बाट २०७७ असोज मसान्तसम्म नव निर्वाचित सबै तहका समितिहरुको वैचारिक तथा संगठनात्मक प्रशिक्षक प्रशिक्षण तालिम सञ्चालन गर्ने र देशव्यापी प्रशिक्षण कार्यक्रम चलाउने प्रस्ताव पौडेलले राखेका छन् ।