बेलकोटगढीमा बृद्धामाथि बलात्कार,हत्याको समेत प्रयास

रातमाटे।महिला हिंसाविरुद्धको १६ दिने अभियान चलिरहेकै दिन नुवाकोटको बेलकोटगढी नगरपालिकामा मंगलबार राती १० बजे एक बृद्धालाई आफ्नै छिमेकीले बलात्कार गरी हत्याको प्रयास गरेका छन ।
विदुर नगरपालिका वडा नं ३ घर भएकी बृद्धा माक्ष्तबाट घर र्फकने क्रममा बलात्कृत भएकी हुन । उनलाई छिमेकी ५० वर्षीय रामशरण नेपालीले जबर्जस्ती करणीपछि ज्यान मार्ने प्रयास गरेको अभियोगमा जिल्ला प्रहरी कार्यालयमा बुधबार उजुरी दर्ता भएको छ । प्रहरीका अनुसार नेपालीले बलात्कार गरेपछि घटना सार्वजनिक हुने डरले वृद्धाको हत्या प्रयास गरेका थिए र तर वृद्धाले प्रतिकारको लागि हारगुहार गरेपछि उनको हत्या हुन नपाएको जिल्ला प्रहरी कार्यलय नुवाकोटले जनाएको छ । घटना लगतै अभियुक्त नेपालीलाई प्रहरीले नियन्त्रणमा लिएर घटनाबारे थप अनुसन्धान गरिहेको र जिल्ला अदालत नुवाकोटमा मुद्दा दर्ताको तयारी गरिएको प्रहरीले जनाएको छ । बलात्कारपछि घाइते भएकी उनको काठमाडौँको वीर अस्पतालको ट्रमा सेण्टरमा उपचार भइरहेको जिल्ला प्रहरी कार्यलय नुवाकोटले बताएको छ ।