एक करोडको लागतमा सुर्यगढी नव युवा क्लबको भवन बन्दै

नुवाकोट । नुवाकोटको सुर्यगढी गाउँपालिका वडा नम्बर ३ मा रहेको सुर्यगढी नव युवा क्लबको भवन निमर्माण शुरु गरिएको छ ।

करिव एक करोड रुपैयाँको लागतमा क्लबको आधुनिक भवन निर्माण कार्य सुरु गरिएको हो । नुवाकोट क्षेत्र नं १ का सांसद हित बहादुर तामाङको विशेष पहलमा संघीय सरकार अन्तर्गत शहरी विकास मन्त्रालयबाट बजेट विनियोजन गरिपछि क्लबको भवन निर्माण गरिएको हो । सांसद तामाङले गाउँस्तरका युवा क्लबहरूलाई पूर्वाधारमार्फत सशक्त बनाउने उद्देश्यले सो बजेट व्यवस्थापन गराएका थिए ।

भवन निर्माण कार्य हाल प्रारम्भिक चरणमा रहेको क्लबका अध्यक्ष राजु तामाङले जानकारी दिए । उनका अनुसार भवन निर्माण सम्पन्न भएपछि क्लबको प्रशासनिक, खेलकुद, तालिम, तथा अन्य सामाजिक गतिविधिहरू अझ सुदृढ र प्रभावकारी हुने अपेक्षा गरिएको छ ।

स्थानीय सरकार, संघीय सरकार, र समुदायको सहकार्यमा क्लबको भवन निर्माण कार्य सम्पन्न गर्न क्लब प्रतिबद्ध रहेको उनले बताए । उनले भवनको लागि जग्गा खरिद गर्न देश तथा बिदेशबाट सहयोग गर्नै सबैलाई आभार समेत व्यक्त गरे ।

सुर्यगढी नव युवा क्लबले स्थापना कालदेखि नै फुटबल प्रतियोगिता, सरसफाइ अभियान, मन्दिर संरक्षण, ऐतिहासिक गढी पुनर्निर्माण, र युवाहरूका लागि विभिन्न कार्यक्रमहरू सञ्चालन गर्दै आइरहेको छ । भवन निर्माण सम्पन्न भएपछि क्लबले स्थानीय युवाहरुको क्षमता विकासमा थप योगदान पु¥याउने विश्वास सरोकारवाला निकायहरुले समेत गरेका छन् ।

सामाजिक सेवा, खेलकुद प्रवद्र्धन, र युवाहरूको क्षमता अभिवृद्धिमा निरन्तर क्रियाशील रहेको क्लबले आफ्नै भवन मार्फत आफ्ना कार्यक्रमहरू अझ प्रभावकारी रूपमा सञ्चालन गर्ने योजना अघि सारेको छ ।

भवन निर्माणको काम याङजी कन्ट्रक्सनले गरिरहेको छ ।