प्रेस स्वतन्त्रताले विकास हुन्छ : पूर्वमन्त्री महत

नेपाली काङ्ग्रेसका केन्द्रीय सदस्य एवं पूर्वअर्थमन्त्री रामशरण महतले प्रेस स्वतन्त्रता भए मात्र देशको विकास हुने बताउनुभएको छ ।

नेपाल प्रेस युनियन सप्तरीको   छैटाँै जिल्ला अधिवेशनको उद्घाटन गर्दै उहाँले पत्रकारिताको महत्व भनेको प्रेस स्वतन्त्रता हो भन्दै प्रेस स्वतन्त्रता भएमा देशमा भोकमरी नहुने बताउनुभयो । प्रेसलाई कम्युनिष्ट सरकारले दबाउन खोजेको आरोप लगाउँदै बहुदलीय व्यवस्था ल्याउनका लागि राजनीतिक गरेका नेपाली काङ्ग्रेसले अहिले पनि जनताको हकहितमा स्वतन्त्रता खोजिरहेको उहाँले बताउनुभयो ।

जनताको हकहितमा काङ्ग्रेसले सधैँ आहुति दिएको भन्दै जातीय विभेद् अन्त्य गर्नका लागि जनताको साथ हुनुपर्छ भन्नुभयो । उद्योगधन्दामा पनि काङ्ग्रेसले गाउँगाउँमा स्वास्थ्य, शिक्षा, बिजुलीको व्यवस्था, खानेपानी एवं स्वतन्त्ररुपमा हिँड्न र बोल्नका लागि ठूलो योगदान दिएको उहाँले बताउनुभयो ।