नेपाल-श्रीलंकाबीचको खेल वर्षाले रद्ध

विदुर खबर २०८१ जेठ ३० गते ६:२८

नुवाकोट । आईसीसी टी-ट्वेन्टी विश्वकप २०२४ अन्तर्गत नेपाल र श्रीलंका बीचको खेल वर्षाका कारण रद्ध भएको छ ।

खेल रद्ध भएसँगै दुबै टिमले एक÷एक अंक बाँडेका छन् । खेल हुने अमेरिकाको फ्लोरिडा स्थित मैदानमा वर्षा भएपछि नेपाली समय अनुसार बिहान सवा ५ बजे सुरु हुने तय भएको खेल रोकिएको हो ।

नेपाली समय अनुसार सवा ६ बजे निरीक्षणपछि टस गराउने आईसीसीले जनाएको थियो । यद्यपि पुनः हलुका पानी पर्न थालेकाले खेल रद्ध गरिएको हो ।

सेन्ट्रल ब्रोवार्ड रंगशाला क्षेत्रमा दिनभर वर्षा भएको थियो । समूह ‘डी’ मा नेपाल र श्रीलंका पहिलो जितको खोजीमा थिए । पहिलो खेलमा नेपाल पराजित भएको थियो भने श्रीलंका आफ्ना दुवै खेलमा पराजित भएको छ ।