नुवाकोटमा भिरबाट लडेर एक जनाको मृत्यु

नुवाकोट । नुवाकोटमा भिरबाट लडेर एकजनाको मृत्यु भएको छ ।

मृत्यु हुनेमा विदुर नगरपालिका वडा नम्बर ७ तुप्चेका ठंकवहादुर सुवेदी रहेको जिल्ला प्रहरी कार्यालय नुवाकोटले जनाएको छ ।

रसुवाको मैलुङ हाइड्रोपावर कम्पनिमा लेवर काम गर्दै आएका सुवेदी शनिवार विहान घर फर्कने क्रममा बेपत्ता भएका उनी मृत अवस्थामा आईतवार भेटिएको हो ।

उनलाई किस्पाङ गाउपालिका वडा नं. ५ जयडांडा स्थित सोले काउले लामीडांडा भीरमा २ सय मीटर तल मृत अवस्थामा फेला पारेको हो ।

घटनाको विषयमा थप अनुसन्धान भइरहेको प्रहरीले जनाएको छ ।