शिवपुरीको गुर्जे चौकी नजिक सुमो र्दुघटना हुँदा ६ जना घाइते

नुवाकोट । नुवाकोटको शिवपुरी गाउँपालिका वडा नम्बर ६  गुर्जे नजिक टाटा सुमो र्दुघटना हुँदा ६ जना घाइते भएका छन् ।

काठमाण्डौबाट नुवाकोटतर्फ आइरहेको सुमो अन्यिन्त्रित भएर र्दुघटना भएको जिल्ला प्रहरी कार्यालय नुवाकोटले जनाएको छ । सुमो सडकबाट झन्डै ५ सय मिटर तल खसेको बताइएको छ ।

सुमोमा ड्राइभरसहित १३ जना रहेको प्रहरीले जनाएको छ । केही घाइते सामान्य उपचार गरेर घर फर्किएका छन् भने ६ जना गम्भीर घाइतेको काठमाण्डौको ग्रान्डी अस्पतालमा उपचार भइरहेको प्रहरीले जनाएको छ ।

चालकलाई गुर्जे प्रहरी चौकीले नियन्त्रणमा लिएर अनुसन्धान शुरु गरेको छ ।