पहिराले विदुर खानेपानीको पाइपमा क्षति, केही दिन धारामा पानी नआउने

नुवाकोट । शनिवार विदुर नगरपालिका वडा नम्बर १० को रिठ्ठेघारीमा सुख्खा पहिरो आउँदा विदुर खानेपानीको पाइपमा क्षति पुराएको छ ।

बिदुर खानेपानी तथा सरसफाई उपभोक्ता संस्थाले एक सुचना जारी गर्दे सुख्खा पहिरोको कारण खानेपानीको पाइप लाइनमा क्षति भएकोले अनिश्चित रुपमा फलाखु खोलाको मुहानको पानी उपभोत्ताहरुको धारामा नआउने जनाएको छ ।

बिदुर खानेपानी तथा सरसफाई उपभोक्ता संस्थाका अध्यक्ष संजीव श्रेष्ठले विदुर १० को रिठ्ठेघारीमा सुख्खा पहिरो आउँदा खानेपानीको पाइपमा क्षति पुगेको बताए ।

यसअघि गत महिना पनि अविरल वर्षाको कारण आएको बाढीले फलाखु खोलाको मुहानमा क्षति पुराएपछि बिदुर खानेपानी तथा सरसफाई उपभोक्ता समितिले बजार क्षेत्रमा पानीको अभाव हुन नदिन बट्टारको बोरिङबाट खानेपानी वितरण गरेको थियो ।