तारकेश्वरका ११ ओटा सामुदायिक विद्यालयहरुलाई फर्निचर

नुवाकोट । नुवाकोटको तारकेश्वर गाउँपालिकाले गाउँपालिका भित्र रहेका ११ ओटा सामुदायिक विद्यालयहरुलाई फर्निचर उपलब्ध गराएको छ ।

मंगलवार एक कार्यक्रमको आयोजना गर्दै गाउँपालिकाका अध्यक्ष शिव अधिकारीले विद्यालयहरुलाई फर्निचर उपलब्ध गराएका हुन् । केही महिना अगाडि गाउँपालिका अध्यक्ष अधिकारीले बिद्यालयहरुको अनुगमन गर्दा केही विद्यालयहरुमा फर्निचरको अति आवश्यक रहेको देखेपछि आज सो विद्यालयहरुलाई आवश्यकताको आधारमा दराज, कुर्सी, अफिस टेवल र लो टेवल वितरण गरिएको हो ।

वितरण गरिएको सामाग्रीहरुमा दाज ११ थान , अफिस कुर्सी, ११ थान , अफिस टेबल ११ थान र लो टेबल ५५ थान रहेका छन् । विद्यालयलाई चाहिने आवश्यक फर्निचर वितरण गर्दै आउँपालिका अध्यक्ष अधिकारीले पछिल्लो समय पालिका भित्रको शैक्षिक सुधारका लागि शिक्षकहरुको सरुवा गर्ने निर्णयलाई लिएर अनावश्यक हौवा फैलाइएको भन्दै असन्तुष्टि व्यत्त गरेका छन् ।

उनले पालिकाको शैक्षिक सुधार गर्ने काममा अवरोध सिर्जना गर्ने र भाँड्ने मानसिकताबाट मुत्त हुने सबैलाई आग्रह गरे ।

गाउँपालिका अध्यक्ष अधिकारीले पालिकाको शैक्षिक उनन्नयको लागि आफु विद्यालयहरुलाई जस्तो सुकै सहयोग गर्न समेत तयार रहेको प्रतिबद्धता व्यत्त गरे ।