सिटिजन लाइफ इन्स्योरेन्सद्धारा किस्पाङमा बीमा रकम भुक्तानी

नुवाकोट । सिटिजन लाइफ इन्स्योरेन्स कम्पनी लिमिटेडले किस्पाङ गाउँपालिका वडा नम्बर १ मा मृतकका परिवारलाई साढे दुई लाख रुपैयाँ मृत्यु दाबी रकम भुक्तानी गरेको छ ।

किस्पाङ गाउँपालिका वडा नम्बर १ का छिरिङ तामाङको केही समय अगाडि काम गर्ने शिलशिलामा करेन्ट लागेर मृत्यु भएको थियो । मृत्यु भएका तामाङका श्रीमती निरमाया तामाङलाई २ लाख ५० हजार रुपैयाँ मृत्यु दावी भुक्तानी रकम हस्तान्तरण गरेको सिटिजन लाइफ इन्स्योरेन्स नुवाकोटका शाखा प्रमुख दिनेश ढुङ्गानाले विदुर खबरलाई बताए ।

उनका अनुसार मृतक तामाङले दुई वर्ष अघि आफ्नो छोरा शिलास तामाङको नाममा २ लाख रुपैयाँको बीमा गरेका थिए।
ढुङ्गानाले काजक्रिया खर्च गरि २ लाख ५० हजार रुपैयाँ वडा नम्बर एक का वडाध्यक्ष, प्रहरी लगायतको उपस्थितिमा सो बराबरको भुक्तानी दिइएको जानकारी दिए ।

कम्पनीका अनुसार बीमित शिलास तामाङको मासिक आम्दानी नाफा अन्तर्गत ४ हजार रुपैयाँ दरले प्रत्येक महिना बीमा अवधिमा भार भुक्तानी गरिने छ ।