गल्छी–त्रिशुली सडक अवरुद्ध

नुवाकोट । मृतकका आफन्तले दोषीलाई कारवाही र परिवारलाई उचित क्षतिपूर्तिको माग गर्दै प्रर्दशन गरेपछि गल्छी–त्रिशुली सडक अवरुद्ध भएको छ ।

हिजो राती करिव १२ बजे धादिङको गल्छी गाउँपालिका वडा नम्बर ६ निवुवाबोट भन्ने स्थानमा विवादका क्रममा स्थानिय निरज पण्डितले सोही स्थानमा विनोद थापामगरलाई धारिलो हतियार प्रयोग गरि सख्त घाइते बनाएके जिल्ला प्रहरी कार्यालय धादिङले जनाएको छ ।

घाइते विनोदलाई स्थानिय अस्पतालमा सामान्य उपचार गरेपछि थप उपचारको लागि काठमाण्डौको नर्भिक अस्पतालमालगिएको थियो तर राती १ बजे चिकित्सकले उनलाई मृत घोषित गरे ।

घटनामा संलग्न भएका निरज पण्डितलाई प्रहरीले पक्राउ गरि अनुसन्धान शुरु गरेको जिल्ला प्रहरी कार्यालय धादिङले जनाएको छ ।

मृतकका आफन्तले विहानै ६ बजेदेखि विभिन्न स्थानमा प्रर्दशन गर्दै सडक अवरुद्ध पारेका छन् । सडक अवरुद्ध भएसँगै पृथ्वी राजमार्ग तथा गल्छी–त्रिशुली सडकखण्ड ठप्प भएको छ ।