एकीकृत समाजवादी विदुर नगर कमिटीको संयोजकमा श्रेष्ठ

विदुर खबर २०७९ चैत २५ गते २२:४०

नुवाकोट । नेपाल कम्युनिष्ट पार्टी एकीकृत समाजवादी विदुर नगर कमिटिको संयोजकमा सजन कुमार श्रेष्ठ चयन भएका छन् ।

शनिवार भएको विदुर नगर स्तरीय कार्यकर्ता भेलाले श्रेष्ठको नेतृत्वमा २५ सदस्यीय नगर कमिटी गठन गरेको हो । बैठकले विदुर नगर कमिटीको संयोजकमा सजन कुमार श्रेष्ठलाई चयन गरेको पार्टी उप–सचिव उद्वव पनेरुले जानकारी दिए ।

सह–सचिव पनेरुका अनुसार भेलाले सह–संयोजकमा सुजना खतिवडा सचिवमा दिपेशलाल चित्रकार र सह–सचिवमा वर्षा चित्रकारलाई चयन गरेको छ ।

यस्तै सदस्यहरुमा जीवन कुमाल ,दिपक थापा, सविता श्रेष्ठ, हरिमाया तामाङ श्रेष्ठ, गौरि वि.क, राजु रिमाल, शंकर गजुरेल, साजन राई, गोपिनि केसि, वासु चित्रकार, अनिश्मा राई रहेका छन् ।

त्यस्तै अन्य सदस्यहरुमा सीता राई, सविता सडौला, कृति थापा,हरि गुरुङ,निर्जल राई,विनोद केसि,सारदा गजुरेल ,सम्भव न्यौपाने,महेन्द्र लाल डंगोल रहेका छन् ।

कार्यक्रमा एकिकृत समाजवादीका पार्टीका उप–महासचिव गंगालाल तुलाधारले नुवाकोटको १२ वटै पालिकाहरुमा वडा कमिटीदेखि पालिका कमिटी सम्मका सबै संगठन बिस्तार गर्न पार्टीले आफुलाई नुवाकोटमा खटाएको बताए ।

कार्यक्रममा नेकपा एकीकृत समाजवादी पार्टी इन्चार्ज राजेन्द्रप्रसाद लोहनी केन्द्रीय परिषद सदस्य सुर्यबहादुर कडेल एकिकृत समाजवादी नुवाकोटका अध्यक्ष गोबिन्द नेपाली केन्द्रीय निर्वाचन आयोगका सदस्य वसन्त बस्नेत केन्द्रीय परिषद सदस्य यमकुमार ख्याती,कृष्ण प्रसाद दाहाल लगायतको उपस्थिति रहेको थियो ।