चन्द्रज्योति माविको विद्यालय व्यवस्थापन समितिको अध्यक्षमा डंगोल

नुवाकोट । विदुर नगरपालिका वडा नम्बर ५ मा रहेको चन्द्रज्योति माध्यामिक विद्यालयको व्यवस्थापन समितिको अध्यक्षमा छत्रराज डंगोल नियुक्त भएका छन् ।

आज वसेको विदुर नगरपालिकाको शिक्षा समितिको बैठकले अध्यक्षको डंगोललाई नियुत्त गरेको हो ।

यसअघि गत फागुन २० गते वसेको बिद्यालयको अभिभावकहरुको भेलाले विद्यालय व्यबस्थापन समितिको लागि ४ सदस्यीय व्यवस्थापन समिति गठन गर्ने निर्णय गरेको थियो ।

भेलाले सदस्यहरुमा छत्रराज डंगोल, डिल्लिप्रसाद गजुरेल, कल्पना आचर्य कुमाल र देउमाया विकलाई व्यवस्थापन समितिको सदस्यमा मनोनयन गरेको थियो ।

विद्यालय व्यवस्थापन समितिको अध्यक्षमा नियुक्त भएका डंगोललाई विद्यालयमा भइरहेको राजनीतिक खिचातानी रोक्नु मुख्य चुनौती रहनेछ भने विद्यालयका खस्कदो शैक्षिक अवस्था सुधार्नु र सामुदायिक विद्यालयमा घट्दै गएका विद्यार्थीको संख्या बढाउन चुनौती रहनेछ ।