संबिधान दिबस नुवाकोटमा भव्य पारिने,सरकारी कार्यलयमा ३ दिन दिपावली मनाइने

नुवाकोट भदौ २८÷आगमी ३ गते मनाईने संविधान दिवसको अवसरमा नुवाकोटका सरकारी कार्यलयले असोज २,३ र ४ गते दिपावली गर्ने भएका छन । जसका लागि संबिधान दिबस मनाउने मुल समारोह समिति समेत जिसस प्रमुख सन्तमान तामाङ नेतृत्वमा बनाइएको छ ।

नेपालको संविधान २०७२ जारी भएको अबसरमा नुवाकोटमा रहेका विभिन्न सरकारी तथा गैरसकारी कार्यलयले दिपावली गर्ने सर्वपक्षिय छलफलले निर्णय गरेको छ । जिल्ला समन्वय समितिका प्रमुख सन्तामान तामाङको नेतृत्वमा प्रमुख जिल्ला अधिकारी तथा विभिन्न सरकारी कार्यलयका कार्यलय प्रमुखसहितको बैठकले तेस्रो संविधान दिवस धुमधामका साथ मनाउने निर्णय गरेको हो ।

संविधान दिवसको अवसरमा एक दिनअघि शिक्षा विकास तथा समन्वय एकाईले बतृत्वकलाको आयोजन गर्ने र दिवसको दिन उत्कृष्ट भएकालाई सम्मान गरिने जिल्ला संबिधान दिबस मनाउने मुल समारोह समितिका संयोजक एवं जिल्ला समन्वय समिति नुवाकोटका प्रमुख सन्तमान तामाङले बताउनुभयो । तामाङका अनुसार संविधान दिवसको दिन नुवाकोट आर्दश बहुमुखी क्याम्पस र विदुर नगरपालिका वडा नं १ काृ त्रिशुलीबाट विभिन्न सांस्कृति झाकीसहित र्यालीको आयोजना गरिने र सो र्याली जिससको कार्यलयमा पुगेर सभामा परिणत हुने बताइएको छ ।

यसैबिच संबिधान दिबस मनाउने मुल समारोह समितिले संबिधान दिवसको दिन पारेर नुवाकोटका सबै स्थानिय तह र नागरिकहरुलाई घरघरमा दिपावली गरी संविधान दिवस भन्य रुपमा मनाउन समेत आह्वान गरेको छ ।