चैनपुरमा वस दुर्घटना हुँदा तीनजनाको मृत्यु, २५ जना घाइते

नुवाकोट । नुवाकोटको विदुर नगरपालिका वडा नम्बर १२ चैनपुरमा आज (बिहिबार) यात्रुवाहक वस दुर्घटना हुँदा तीन जनाको मृत्यु भएको छ भने २५ जना घाइते भएका छनु ।

बट्टारबाट तारकेश्वर गाउँपालिका–१, दाङसिङ जाँदै गरेको बा.२ ख ८४५ नम्बरको बस विहीबार अपरान्ह विदुर नपा–१२ चैनपुरमा दुर्घटना भएको हो ।

दुर्घटनामा दुई जनाको घटनास्थलमै मृत्यु भएको छ भने अन्य एक जनाको त्रिशुली अस्पतालमा उपचारको मृत्यु भएको हो । मृतकमध्ये २ जना पुरुष र एक महिला रहेको जिल्ला प्रहरी कार्यालयमा प्रवक्ता तथा डिएसपी खगेन्द्रबहादुर खड्काले जानकारी दिए ।

मृतक हुनेमा विदुर नगरपालिका वडा नम्बर ३ का ७३ वर्षिय वावुराम दजी, तारकेश्वर गाउँपालिका वडा नम्बर ६ का रामप्रसाद अर्याल र तारकेश्वर ६ कै सितादेवि अर्याल रहेको जिल्ला प्रहरी कार्यालय नुवाकोटले जनाएको छ । रामप्रसाद र सिदादेवि अर्याल रहेका छन् ।

घाइतेहरुको घटनास्थलबाट उद्धार गरी त्रिशूली अस्पतालमा उपचारको लागि ल्याइएको प्रहरीले जनाएको छ । सडकदेखि अन्दाजी ५० मिटर तल पुगेको वस र्दुघटनाको कारण भने खुलेको छैन । तर वसमा सवार ज्ञानवहादुर तामाडले भने वसको ब्रेक फेल भएर र्दुघटना भएको बताएका छन् । उनले वसको सिट समातेर आफुले ज्यान जोगाएको बताएका छनु ।

र्दुघटनापछि वसका चालक सहचालक फरार रहेको जिल्ला प्रहरी कार्यालय नुवाकोटले जनाएको छ । दुर्घटनामा ११ महिला, १० पुरुष ३ जना बालिका घाइते भएको प्रहरीले जनाएको छ ।

यसैविच वस दुर्घटनाको खवर सुन्नासाथ विदुर नगरपालिकाका मेयर राजन श्रेष्ठ, विदुर १२ का वडाध्यक्ष लगायतले तत्काल घटनास्थलको अवलोकन गरि घाइतेहरुको उद्धार गर्न टोली खटाएका थिए ।

मेयर श्रेष्ठ र वडाध्यक्ष खड्काले घाइतेको उपचारमा कुनै कमी नगर्न समेत आग्ह गरेका थिए । वस दुर्घटना लगत्तै नेपाल प्रहरी, सशस्त्र प्रहरी र नेपाली सेनाका साथै स्थानियहरु उद्धारमा खटिएका थिए ।