नुवाकोटको सारथी र श्रीकृष्ण सहकारी उत्कृष्ट बन्न सफल

नुवाकोट । राष्ट्रिय सहकारी बैंक लिमिटेडको नुवाकोट शाखाबाट सारथी बचत तथा ऋण सहकारी संस्था लिमिटेडले उत्कृष्ट कारोबार गर्न सफल भएको छ ।

बैंकले आर्थिक वर्ष २०७८/०७९ मा बैङ्कमा उत्कृष्ट कारोबार गर्ने र नियमित कारोबार गर्ने एक/एक सहकारी संस्थाको नाम सार्वजनिक गरेको हो । बैंकको १९औं वार्षिक साधारणसभाका अवसर सार्वजनिक गरिएको उक्त नतिजाले सारथी सहकारी उत्कृष्ट कारोबार र श्रीकृष्ण सहकारीले उत्कृष्ट नियमित कारोबार गर्न सफल भएको नुवाकोट शाखाका प्रमुख प्रदिप अर्यालले जानकारी दिए ।

बैंकमा सहकारीले बचत, शेयरलगायतका प्रावधानअनुसार नुवाकोट, धादिङ र रसुवा जिल्लाका ४२१ सहकारी मध्ये सारथी र श्रीकृष्ण सहकारी उत्कृष्ट विधामा परेको बताए । बैंकको एक कार्यक्रमबीचमा दुई सहकारीलाई सम्मान गरिने उनले बताए ।

बैंकले देशभरका आफ्ना शाखाहरु मार्फत् उत्कृष्ट कारोबार गर्ने र नियमित कारोबार गर्ने सहकारीको नाम सार्वजनिक गरिएको हो ।

बागमती प्रदेश अन्तर्गतका २७ शाखाहरुमा कारोबार गर्ने सहकारी संस्थामध्ये उत्कृष्ट कारोबार र नियमित कारोबार गर्ने विधा गरी ५४ सहकारी संस्थाको नाम सार्वजनिक गरेको छ ।