कांग्रेसको वागमती प्रदेश संसदीय दलको नेतामा लामा निर्वाचित

नुवाकोट । नेपाली कांग्रेसको वागमती प्रदेशसभा संसदीय दलको नेतामा बहादुर सिंह लामा निर्वाचित भएका छन् ।

बुधबार भएको निर्वाचनमा उनले इन्द्रबहादुर बानियाँलाई पराजित गर्दै दलको नेता चयन भएका हुन् । लामाले २१ मत पाए भने बानियाँले १६ मत मात्र पाए ।

नुवाकोट क्षेत्र नम्बर २ को प्रदेश २ बाट १७ हजार २ सय २९ मत ल्याएर उनी विजयी भएका थिए ।

नेपाली कांग्रेस बाग्मति प्रदेश संसदिय दलको नेतामा निर्वाचित भएका तामाङ नेपाली कांग्रेसका केन्द्रिय सदस्य समेत हुन् ।