नुवाकोटमा मतगणनाको तयारी, साढे ११ बजेबाट शुरु हुने

नुवाकोट । नुवाकोटमा आज विहान साढे ११ बजेबाट मतगणना शुरु हुने भएको छ ।

मुख्य निर्वाचन अधिकृतको कार्यालयका अनुसार जिल्लाको दुबै क्षेत्रमा विहान साढे ११ बजेबाट मतगणना गर्ने तयारी गरिएको छ ।

भर्रखरै नुवाकोट क्षेत्र नम्बर २ मा सर्वदलिय बैठक सम्पन्न भएको छ भने क्षेत्र नम्बर १ मा बैठक बसीरहेको छ ।

आयोगको परिपत्र अनुसार संघ र प्रदेसको प्रत्यक्ष र समानुपातिक मतगणना एकै पटक सुरु हुने बताइएको छ । मतगणनाको लागी एक मतदान केन्द्रको चारवटा मत पत्र खसालिएको चारवटा मत पेटिका एकै पटक गणना गरिने जिल्ला निर्वाचन कार्यालयले जनाएको छ ।

क्षेत्र नम्बर १ को मतगणना तादी गाउँपालिकाको खरानीटारमा र क्षेत्र नम्बर २ को मतगणना जिल्ला अदालत नुवाकोटको परिषरमा हुने बताइएको छ ।

कार्यालयका अनुसार कुनै एक बाकसमा खसाल्नु पर्ने मत अर्को बाकसमा परेको खण्डमा पनि त्यसलाई गणनाको लागी सदर मानिनेछ ।

गणनाको लागी नुवाकोटको दुई वटै निर्वाचन क्षेत्रमा ४–४ वटा मात्रै गणना स्थल रहेको, बढाउनको लगी स्थान र कर्मचारीको अभावले ४–४ ठाँउमा मात्रै गणना हुने हुदाँ मतपरिणाम आउन ढिलो हुने बुझिएको छ ।

आईतवार सम्पन्न भएको मतगणनामा नुवाकोटमा झण्डै ५४ प्रतिशत मत खसेको थियो ।