संसदीय राजनितिबाट विश्राम लिँदै डा. रामशरण महत

नुवाकोट । नेपाली कांग्रेसका नेता तथा पुर्व अर्थमन्त्रि डा. रामशरण महतले संसदीय यात्राबाट विश्राम लिएका छन् ।

नुवाकोट क्षेत्र नम्बर १ बाट अघिल्लो चुनाव अर्थात २०७४ को संददीय निर्वाचनमा माओवादी केन्द्रका हितबहादुर तामाङसँग पराजित महत यसपटक प्रत्यक्षतर्फ चुनाव लड्न अघि सरेनन । युवाहरुलाई नेतृत्व हस्तान्तरण गर्ने भन्दै डा. महतले यसपटक टिकटको लागि दाबी नगरेका हुन् ।

७२ वर्षीय डा. महत विद्यार्थीकालदेखि नै नेपाल विद्यार्थी संघमार्फत प्रजातान्त्रिक आन्दोलनमा सक्रिय थिए । २०२३ सालदेखि नेपाली राजनीतिमा रहेका डा.महत प्रजातन्त्रको पुनर्बहाली भएपछि राष्ट्रिय योजना आयोगको उपाध्यक्ष भए ।

कांग्रेसको सरकारमा पटक–पटक अर्थमन्त्री भए । परराष्ट्रमन्त्री भएर पनि काम गरेका थिए । उनको नेपालको अर्थ–राजनीतिक विश्लेषण गरिएका थुप्रै पुस्तक र लेखहरु प्रकाशित छन ।

६ पटक अर्थमन्त्री भएका महतलाई सन २०१५ मा बेलायतको प्रसिद्ध म्यागेजिन दि ब्यांकरले उत्कृष्ट अर्थमन्त्रीको अवार्ड समेत दिएको थियो ।