नेपाल बन्दको प्रभाव नुवाकोटमा सामान्य

नुवाकोट । नेत्रविक्रम चन्द नेतृत्वको नेपाल कम्युष्टि पार्टीसहित ४ साना दलले घोषणा गरेको नेपाल बन्दको प्रभाव नुवाकोटमा सामान्य रुपमा परेको छ ।

बन्दको कारण सार्वजनिक सवारी साधनहरू कम चलेका छन । सार्वजनिक गाडीहरू कममात्र चल्दा काम विशेषले आज बिहानै गन्तव्यमा जान चाहनेहरुले सास्ती पाएका छन ।

नुवाकोटबाट काठमाडौं जाने वसहरु निकै कम मात्रामा चलेका छन् । निजी कार र मोटरसाइकलहरू भने निर्वाध चलिरहेका छन ।

सडकमा विप्लवका कुनैपनि कार्यकर्ताहरु देखिएका छैनन । जिल्लाको विभिन्न चोकचोकमा सुरक्षाकर्मीहरूको तैनाथी बढाइएको छ । बन्दको क्रममा कुनै अप्रिय घटना नभएको जिल्ला प्रहरी कार्यालय नुवाकोटले जनाएको छ ।