ककनीमा लागू औषधीसहित एकजना पक्राउ

नुवाकोट । नुवाकोटको ककनी गाँउपालिका वडा नम्बर २ खानिखोलामा लागू औषधीसहित एकजना पक्राउ परेका छन् ।

प्रहरी विशेष टोलीले सूचनाको आधारमा चेकजाँच गर्दा महोत्तरी जिल्ला भटोलिया गाउँपालिका वडा नं ३ बस्ने अविनाश ठाकुर पक्राउ परेका हुन् ।

उनले बोकेको कालो झोलाबाट प्लाष्टिकको बोराले बेरेको लागु औषध जस्तो देखिने पदार्थ गांजा मुठा (२ कि.ग्रा.) वरामद गरिएको प्रहरीले जनाएको छ । उनलाई लागु औषध नियन्त्रण ऐन २०३३ बमोजिम अनुसन्धान भइ रहेको प्रहरीले जनाएको छ ।

यसैबीच जिल्ला प्रहरी कार्यालय नुवाकोटका अनुसार मानव बेचविखन तथा ओसार पसार मुद्दामा फरार एक जनालाई पक्राउ गरेको छ ।

जिल्ला अदालत नुवाकोटको फैसलाले २ वर्ष ६ महिना कैद हुने गरी फैसला भएकोमा दुप्चेश्वर गाउँपालिका बड़ा नं. ७ का धुव नेपालीलाई २९ वर्ष पछि पक्राउ गरेको हो ।