घरको छतबाट खसेर नुवाकोटको ढुङेगमा एक महिलाको मृत्यु

नुवाकोट भदौ १४, नुवाकोटको सदरमुकाम विदुर नगरपालिका वडा नं १ ढुङ्गेमा फोहोर फाल्न घरको छतमा गएकी एक महिलाको छतबाट घसेर मृत्यु भएको छ ।

मृत्यु हुनेमा २९ वर्षीया सिर्जना ढुंगाना रहेको जिल्ला प्रहरी कार्यलय नुवाकोटले बताएको छ । फोहोर फाल्नका लागि घरको छतमा पुगेकी ढुंगाना एक्कासी खसेर घर अघिको सडकमा पुगेकी थिइन । छतबाट खसेर सक्त्त घाइते भएकी ढुङ्गानाको उपचारको लागि तत्काल नुवाकोटको त्रिशूली लगिएको थियो ।

तर उनलाई अस्पताल लग्ने बित्तिकै चिकित्सकले मृत घोषित गरेको जिल्ला प्रहरी कार्यालय नुवाकोटले जनाएको छ । मृतक ढुंगाना जिल्ला अदालत नुवाकोटमा तामिलदार पदमा कार्यरत रहेको अदालतका श्रेस्तेदार शिवप्रसाद वन्जाराले बताए ।