तादी गाउँपालिकाका कर्मचारीलाई सफ्टवेयर चलाउन सिकाइयो

नुवाकोट । नुवाकोटको तादी गाउँपालिकाले कर्मचारीलाई सफ्टवेयर संचालन सम्बन्धी प्रशिक्षण दिएको छ ।

शुक्रवार तादी गाउँपालिकाको आयोजना तथा सफ्टेक इन्फोसिस प्रालिको प्राविधिक सहयोगमा भएको तालिममा वडा सचिव, सहायक कम्प्यूटर अपरेटरहरुको सहभागिता रहेको थियो ।

तालिममा एकिकृत राजश्व प्रणाली सफ्टवेयर संचालनको विषयमा सहभागीहरुलाई प्रशिक्षण दिइएको थियो ।

तालिमपछि सहभागिहरुले प्रशिक्षणबाट प्राविधिक ज्ञान हासिल गरेको भन्दै सिकेका कुराहरुलाइृ कार्यस्थलमा गएर कार्यान्यन गर्ने बताए ।