नुवाकोटको त्रिशुली अस्पतालमा डाइलासिस सेवा शुरु

नुवाकोटको त्रिशुली अस्पतालमा डाइलासिस सेवा शुरु भएको छ ।

बुधवार अस्पतालको ५८ औ वार्षिक उत्सवको अवसर पारेर अस्पतालले डाइलासिस सेवा शुरु गरेको हो । जिल्लामा पछिल्लो समय मृगौला रोगीहरुको संख्या बढेकोले अस्पतालमा डाइलासिस सेवा शुरु गरेको अस्पतालका मेडिकल सुपरिटेन्डेन डा. दिपेन्द्र  पाण्डेले जानकारी दिए ।

जिल्लामै डाइलासिस सेवा शुरु भएसँगै जिल्लाबाट डाइलासिस गर्न काठमाण्डौ जानु नपर्ने भएकोले विरामीेको सेवा र पैसा समेत बचत हुने उनले बताए ।

कार्यक्रममा बोल्दै विदुर नगरपालिकाकी उपमेयर प्रभा बोगटीले नगरपालिकाले प्रदेशकै नमुना अस्पताल बनाउन हदैसम्मको सहयोग गर्ने बताइन् ।

उनले अस्पताललाई प्रदेशकै मात्रै नभई देशभरको नमुना अस्पताल बनाउन सबैको सहकायै आवश्यक रहेको बताइन् ।

यस्तै कार्यक्रममा बोल्दै नुवाकोटका प्रमुख जिल्ला अधिकारी नारायण प्रसाद रिसालले अस्पतालको सेवा सुविधाको वारेमा विरामीहरुले सन्तुष्ट व्यक्त गर्नुले अस्पतालको गुणस्तर बढेको बताए ।

मृगौलाका विरामीलाई एक हप्तामा दुईपटक डाइलसिस गर्नुपर्ने भएकोले जिल्लामा यो सेवा सुरु नहुँदा विरामीलाई व्ययभार धेरै पर्ने गरेको छ ।

अस्पालतमा डायलसिस सेवा शुरु भएमा छिमेकी जिल्लाहरु रसुवा र धादिङ लगाएतका जिल्लाबाट आउने विरामीले समेत लाभ लिने छन् ।