नुवाकोटका आशिष तामाङ मृत अवस्थामा फेला

नुवाकोट । नुवाकोटको म्यागङ गाउँपालिका वडा नम्बर ६ का आशिष तामाङ मृत अवस्थामा फेला परेका छन् ।

काठमाडौंको तिलिङगेटारमा उनी मृत अवस्थामा फेला परेका हुन् । शनिबार बिहान काठमाडौं महानगरपालिका वडा नम्बर ३ तिलिङगेटारस्थित होण्डाइ कम्पनीको सटरमा मृत फेला परेका हुन ।

उनी कोठाभित्र सुतिरहेकै अवस्थामा मृत फेला परेको प्रहरी वृत्त महाराजगन्जका प्रहरी नायब उपरीक्षक विष्टले जानकारी दिए । उनको शव पोष्टमर्टमको लागि टिचिङ अस्पताल लगिएको छ ।

उनी सोही सोही कम्पनीमा काम गर्ने कामदार रहेको बताइएको छ । घटनाको विषयमा थप अनुसन्धान भइरहेको प्रहरीले जनाएको छ ।