बेलकोटगढीमा सडक दुर्घटना, दुईजना गम्भीर घाइते

नुवाकोट । नुवाकोटको बेलकोटगढी नगरपालिका वडा नम्बर ८ मा सडक दुर्घटना हुँदा दुईजना गम्भीर घाइते भएका छन् ।

काठमाडौंबाट त्रिशुलि तर्फ आउँदैै गरेको बा ५ ख ८२३४ नम्बरको टिमुरे यातायातको वसले कासिटारको कोल्ड स्टोर नजिक सडकमा पार्किङ गरि राखेको ट्रकलाई ठक्कर दिँदा ट्रक अन्यिन्त्रित भएको जिल्ला प्रहरी कार्यालय नुवाकोटले जनाएको छ ।

अनियन्त्रित ट्रकले प्रदेश ३–०२–००२ प ८५५० नम्बरको मोटरसाईकललाई ठक्कर दिँदा विदुर नगरपालिका वडा नम्बर ३ सिर्खाली पुसुनटारका बालकृष्ण अधिकारी र मोटरसाईकलको पछाडी वसेका बेलकोटगढी नगरपालिका वडा नम्बर ८ का राजु श्रेष्ठ घाइते भएका छन् ।

घाइते भएका अधिकारी मध्यम घाइते भएका छन् भने श्रेष्ठ गम्भीर घाइते भएका छन् । उनको मुखमा र तिग्रा चोट लागेको जिल्ला प्रहरी कार्यालय नुवाकोटले जनाएको छ ।

दुर्घटनापछि घाइतेहरुलाई सामान्य उपचारपछि कैलाश हेलिकप्टरमार्फत काठमाण्डौको ग्रान्डी अस्पताल लगिएको छ ।