प्रेस संगठन नुवाकोटको अध्यक्षमा गजुरेल

नुवाकोट । नेकपा एकीकृत समाजवादी पार्टी निकट पत्रकार संगठन समाजवादी प्रेस संगठन नुवाकोटको अध्यक्षमा जमुना गजुरेल चयन भएकी छिन् ।

बिहिबार पार्टी कार्यालय विदुरमा आयोजित प्रथम जिल्ला भेलाले गजुरेलको नेतृत्वमा ११ सदस्यीय कार्यसमिति चयन गरेको हो ।

कमिटीको उपाध्यक्षमा हरिराम भेट्वाल, सचिवमा राममणी अधिकारी र कोषाध्यक्षमा दिपक थापा चयन भएका छन् ।

कमिटिको सदस्यहरुमा बिपस्ना बस्नेत, हरिजगं पाण्डे,सृर्जन पौडेल, मनोज न्यौपाने, सुबास भट्ट रहेका छन् ।

भेलाले समाजवादी प्रेस संगठन बाग्मती प्रदेश कमिटि सचिवको संयोजकत्वमा तीन सदस्यीय सल्लाहकार समिति समेत चयन गरेको छ । जसमा राजकुमार अर्याल (पुत्ला) र उत्तम श्रेष्ठ रहेका छन् ।

कार्यक्रममा नेकपा एकीकृत समाजवादी पार्टी बागमती प्रदेश कमिटी सदस्य यमकुमार ख्याती, पार्टी उपसचिव उद्वव पनेरु, आर्थिक बिभाग प्रमुख रामकृष्ण राज भण्डारी, जिल्ला कमिटी सदस्य नारायण नेपाल, प्रकाश नेपाल, युवा नेता दिपेश चित्रकार लगाएतको उपस्थिति रहेको थियो ।