विदुर नगरपालिकाका बालविकास शिक्षकले मेयरलाई ज्ञापन पत्र बुझाए

नुवाकोट । नुवाकोटको विदुर नगरपालिकाका भित्रका नेपाल विद्यालय कर्मचारी तथा बालविकास शिक्षकहरुले ज्ञापनपत्र बुझाएका छन् ।

मंगलवार नेपाल विद्यालय कर्मचारी तथा बालविकास शिक्षकहरुले विदुर नगरपालिका पुगेर मेयर सञ्जु पण्डितलाई राज्यले तोकेको पारिश्रमिक दिनुपर्ने माग गर्दे ज्ञापनपत्र बुझाएका हुन् ।

उनीहरुले आर्थिक वर्ष २०७८ को बजेटबाट पारित भएको सामुदायिक विद्यालयमा कार्यरत न्युन पारिश्रमिक भएका विद्यालय कर्मचारी लेखापाल र सहयोगी तथा बालविकास सहयोगी कार्यकताको तलव भत्ता स्थानिय तहबाट ७ हजार रुपैयाँ थप गर्ने गरी आदेश कार्यान्यन गर्न माग गरेका छन् ।

नेपाल विद्यालय कर्मचारी तथा बालविकास शिक्षकहरुले नेपाल राजपत्र भाग ५ मा प्रकाशित श्रम,रोजगार तथा समाजिक सुरक्षा मन्त्रालयको सूचनाको बुदा नं.२ र बुंदा नं ३ को अनुसार पालना गर्न समेत आग्रह गरेका छन् ।

उक्त बुँदामा कम्तिमा न्युनतम पारिश्रमिक १५ हजार रुपैयाँ कायम गरिएपनि विदुर नगरपालिका अन्तरगतका विद्यालय कर्मचारी तथा बालविकास सहयोगी कार्यकर्ताहरुले खाइपाइ आएको तलबमा केन्द्रबात ८ हजार र स्थानिय तहबाट ७ हजार थप गरी १५ हजार रुपैया तलब भत्ता उपलब्ध गराउन माग गरेका छन् ।

उनीहरुले राज्यले तोकेको पारिश्रमिक नदिए कडा आन्दोलनमा जाने चेतावजी दिएका छन् ।

ज्ञापनपत्र बुझ्दै विदुर नगरपालिकाका मेयर सञ्जु पण्डितले शिक्षक तथा कर्मचारीहरुको मागप्रति आफ्नो ध्यानाकर्षण भएको भन्दै छिट्टै समस्या समाधान गर्ने बताए ।