कांग्रेसको विदुर नगर सभापतिमा बद्री रिमालको उम्मेद्वारी घोषणा

नुवाकोट । विदुर नगरपालिका वडा नम्बर ३ का वडाध्यक्ष तथा युवा नेता बद्री रिमालले नेपाली कांग्रेसको आसन्न १४ औ महाधिवेशनको लागि गाउँ÷नगरपालिका अधिवेशनमा कांग्रेसको विदुर नगर सभापतिमा उम्मेद्धारी दिने घोषणा गरेका छन् ।

विदुर नगरपालिका वडा नम्बर ३ का कांग्रेस इकाई सभापति समेत रहेका रिमालले नेपाली कांग्रेसको १४ औं महाधिवेशन अन्तर्गत यही असोज ९ गते हुने गाउँ÷नगरपालिका अधिवेशनमा कांग्रेसको विदुर नगर सभापतिमा उम्मेद्वारी दिने घोषणा गरेका हुन् ।

नुवाकोटमा कांग्रेसको महाधिवेशन अन्तरगत वडादेखि गाउँ÷नगरपालिका, जिल्ला हुँदै केन्द्रीय अधिवेशनको सारगर्मी बढिरहेका बेला युवा नेता रिमालले कांग्रेसको विदुर नगर सभापतिमा उम्मेद्वारी घोषणा गरेका हुन् ।

रिमालले गुटका कारण छरपष्ट बनेको कांग्रेसलाई एक बनाउँदै पार्टीलाई मजवुत बनाउने लक्ष्यका साथ आगामी असोज ९ गते हुने गाउँ÷नगरपालिका अधिवेशनमा सभापतिको उम्मेद्वारी दिने घोषणा गरेको बताए ।

मैले नगरसभापतिको लागि कांग्रेसबाट निर्वाचित सबै वडाका वडाध्यक्षहरुसँग छलफल गरेर उम्मेद्धवारी घोषणा गरेको हुँ । मलाई सबैको सर्मथन र साथ छ , त्यसैले म नगरसभापति बन्नेमा ढुक्क छु, रिमालले भने ।

केही वर्षअघि सम्पन्न भएको स्थानिय तहको निर्वाचनमा नगरपालिकाको अधिकांश स्थानमा कांग्रेसका तर्फबाट वडाध्यक्षका उम्मेद्ध्वार पराजित हुँदा विदुर ३ मा रिमालले भारी मतले जित हासिल गरेका थिए ।

रिमालले नगर सभापतिमा चुनिएको अवस्थामा नगरपालिकाको अनियमितता र योजना फरफराकका विषयमा खबरदारी गर्ने, प्रतिपक्षीले निभाउनुपर्ने भूमिकाका विषयमा वडाध्यक्षहरुसँग छलफल गर्ने योजना बनाएको बताए ।

उनले आफ्नो पार्टी तथा अन्य पार्टीबाट निर्वाचित जनप्रतिनिधिले गरेको राम्रो कामलाई समर्थन गर्दै खराब काममा विरोध गर्ने बताए । ‘आफ्नो पार्टीका होस् या अन्य पार्टीको, राम्रो काम गर्नेलाई समर्थन गर्ने हो, गलत काम गर्नेको विरोध गर्ने हो,’ रिमालले भने  ।

उनले समाजसेवासँगै राजनितिलाई अघि बढाउन आफुले लागि विदुर नगर पालिकाको नगर सभापतिमा दावेदारी गरेको बताए । उनले नेपाली काङ्ग्रेसमा युवा जनशक्तीको आवश्यकता र पार्टीमा युवा नेतृत्वको खाचो रहेको बताए ।

नगरपालिकाका अग्रज नेता तथा युवाहरुको आफूप्रती ठूलो सद्भाव रहेको भन्दै रिमालले सबैले साथ दिने अपेक्षा गरेको उल्लेख गरे ।

नेपाली कांग्रेसको महाधिवेशन अन्र्तगत असोज ९ गते पालिका अधिवेशन, प्रदेशसभा क्षेत्रीय अधिवेशन ११ असोजमा, एक मात्र प्रतिनिधिसभा जिल्ला अधिवेशन असोज १३ मा , एकभन्दा बढी भएका जिल्ला असोजको १६ गते प्रस्ताव गरिएको छ ।

यस्तै प्रदेश अधिवेशन १०–१२ कात्तिकमा र केन्द्रीय महाधिवेशन ९–१३ मंसिरमा गर्ने निर्णय गरेको छ ।