विदुर ६ को वडा सभापतिमा मधुसुदन थपलिया निर्विरोध निर्वाचित

नुवाकोट । नुवाकोटको विदुर नगरपालिका वडा नम्बर ६ को वडा सभापतिमा मधुसुदन थपलिया निर्विरोध निर्वाचन भएका छन् ।

आज भएको अधिवेशसनले थपलियाको नेतृत्वमा सबै कार्यसमिति निर्विरोध निर्वाचित गरेको नेपाली कांग्रेस विदुर नगरपालिका वडा नम्बर ६ का निर्वतमान सभापति टंक केसीले जानकारी दिए ।

अध्यक्षका अर्का प्रत्यासी राजकुमार आचार्यले अन्तिम समयमा आएर नाम फिर्ता लिएपछि थपलियाको नेतृत्वमा सबै कार्यसमिति निर्विरोध निर्वाचित भएका हुन् ।

निर्वाचित भएका अन्य पदाधिकारीहरुको भने नाम घोषणा हुन बाँकी रहेको छ । वडा इकाई सभापतिमा निर्वाचित भएका थपलिया होटल व्यवसायी संघका केन्द्रिय सदस्य तथा नुवाकोट उद्योग वाणिन्य संघका समेत सदस्य हुन् ।