नुवाकोटमा सक्रिय कोरोना संक्रमित घट्दै

नुवाकोट । नुवाकोटमा पछिल्लो एकसातायता दैनिक रुपमा कोरोना संक्रमितको संख्या घट्दै गएको छ ।

स्वास्थ्य कार्यालय नुवाकोटका अनुसार पछिल्लो एकसाता यता जिल्लामा दैनिक रुपमा कोरोना संक्रमित घटेसँगै जिल्लामा कोरोना संक्रमितको संख्या घट्दै गएको हो ।

स्वास्थ्य कार्यालय नुवाकोटका अनुसार पछिल्लो नुवाकोटमा शनिवारसम्म सक्रिय कोरोना संक्रमितको संख्या ३ सय ६१ मा झरेको छ ।

यस्तै पछिल्लो २४ घण्टामा जिल्लामा २५ जना कोरोना संक्रमित थपिएका छन् । पछिल्लो २४ घण्टामा भेटिएका कोरोना संक्रमितमध्ये विदुर नगरपालिकाका मात्रै १९ जना रहेका छन् ।

यस्तै सुर्यगढी गाउँपालिकामा २ जना कोरोना संक्रमित थपिँदा लिखु, शिवपुरी, पन्चकन्या र तारकेश्वर गाउँपालिकामा समान एक÷एक जना कोरोना संक्रमित थपिएका छन् ।

यससँगै नुवाकोटमा कोरोना संक्रमितको संख्या ७ हजार ८ सय ६२ पुगेको छ । यस्तै पछिल्लो २४ घण्टामा जिल्लामा २४ जना कोरोनामुत्त भएका छन् । यससँगै जिल्लामा कोरोनामुत्त हुनेको संख्या ७ हजार ४ सय ५७ पुगेको छ ।

जिल्लामा रहेका सक्रिय कोरोना संक्रमितमध्ये ३ सय २९ जना होम आइसोलेसनमा, १७ जना अस्पतालमा र १५ जना आइसोलेसन सेन्टरमा उपचाररत रहेका छन् ।

नुवाकोटमा हालसम्म ४४ जना कोरोना संक्रमितको मृत्यु भएको छ भने जिल्लामा २६ हजार ३ सय ६ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।