पछिल्लो २४ घण्टामा थपिए १८५७ संक्रमित, २७ जानको निधन

नुवाकोट । कोरोना भाइरसको संक्रमण आज एक हजार ८५७ जनामा देखिएको छ ।

विगत २४ घण्टामा १३ हजार १७६ जनाको परीक्षण गर्दा एक हजार ८५७ जनामा संक्रमण देखिएको स्वास्थ्य तथा जनसंख्या मन्त्रालयले सार्वजनिक गरेको तथ्यांकमा जनाइएको छ ।

यस्तै ३६ हजार ८६६ जना सक्रिय संक्रमित रहेका छन् । यस्तै आज संक्रमणबाट दुई हजार २२२ जना निको भई घर फर्किएका छन् । अहिलेसम्म नेपालमा सात लाख १० हजार ४५२ जना निको भई घर फर्किएका छन् । नेपालमा निको हुने दर ९३.७ प्रतिशत रहेको छ ।

यस्तै संक्रमणबाट २७ जनाको निधन भएको छ । अहिलेसम्म सङ्क्रमणबाट १० हजार ६९० जना निधन भइसकेका छन् ।

सघन उपचार कक्ष (आइसियु)मा ६१५ जना, भेन्टिलेटरमा १७४ जना, होम आइसोलेसनमा ३३ हजार ८३५ जना, संस्थागत आइसोलेसनमा तीन हजार ३१ जना र क्यारेन्टाइनमा ३४६ जना रहेका छन् ।