ककनी गाउँपालिकामा एकैदिन ३७ जना कोरोना सक्रमित भेटिए

नुवाकोट । नुवाकोटको ककनी गाउँपालिकामा एकैदिन ३७ जना कोरोना संक्रमित भेटिएका छन् ।

स्वास्त्य कार्यालय नुवाकोटका अनुसार पछिल्लो २४ घण्टामा ३७ जना कोरोना संक्रमित थपिएसँगै गाउँपालिकामा कोरोना संक्रमितको संख्या ३ सय ७८ पुगेको छ ।

पछिल्लो २४ घण्टामा भेटिएका कोरोना संक्रमितमध्ये २१ पुरुष र १६ महिला रहेका छन् । गाउँपालिकामा रहेका कुल ३ सय ७८ कोरोना संक्रमितमध्ये २ सय ३२ जना पुरुष र एकसय ४६ महिला रहेका छन् ।

गाउँपालिकामा हाल ६२ जना कोरोना संक्रमित होम आइसोलेसनमा उपचाररत रहेको ककनी गाउँपालिकाको कार्यालयले जानकारी दिएको छ ।

ककनी गाउँपालिकामा असहलेसम्म एक हजार ४ सय ६५ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।

ककनी गाउँपालिकामा कोरोना संक्रमणबाट दुई जनाको ज्यान गइसकेको छ ।